طلبت من راجلي الطماع والخائن الطلاق وخا كنبغيه

السلام عليكم انا بنت عمرها 30 عام, تزوجت عن حب بشخص عمرو 25 وبعد قصة تكاد تكون صعيبة,أ نا كنعمل والحمد لله وختى راجلي خدام, وكنا كنتلاقاو غي مرة أو مرتين كل مرة على حسب ظروف عملنا, المهم حيت كنبغي راجلي من كان كيقولي تقادولي فلوسي كنت كنعطيه كل شهر كان كيخودلي فلوسي كاملة وبالتقسيط, تنقول معليش الشهر جاي نترخفو ولكن كنشوفو كيكرر لي الممارسات نفسها, انا كنقول ما فيها باس نعاون راجلي حتى واصلت به الدرجة ياخدلي كارت كيشي رغما عني ومنعني نعطي والدي في حين كيعطي والديه واهلو من مالي, وانا كنبقى ما عندي والو وكان غيدخلني كريدي لولا لطف الله وحنى ماعندنا لا اثاث لاوالو كنجي دارهم مرة مرة حتى قربت نولد مو دابزت معايا شحال من مرة قالت لي انها مبغيانيش حيت انا كبيرة’’’ ما قلتهاش لراجلي حتى زادت فيه نهار لولدت فيه عرفت قيمتي عندهم تخلو علي ماديا ومعنويا عند ولادة بنتي ودابزت مو مع امي وجات موعندي كتعيرني وطلبت من راجلي نمشي نرتاح عند دارنا، وعودت لو على ماماه لكن تجاهلني حيت كان ولد ماماه كيسمع غي مو خرجنا بدابيز, وقلبو لينا سيكان الحوايج مخافة نسرقو وهو فوق هد المشاكل كان كيخوني وانا عييت وطلبت الطلاق، وهو رفع علي دعوى الرجوع اش بان ليكم االخوتي هد الراجل استغلني بزاف حتى عائلتو واش اتخدت القرار الصحيح راجلي حاول يرجعني باش مايضرش ماديا هو شحال من مرة من كنحصلو خايني كيقول لي مابغينيش وشوي كيقولي انه باغيني انا وخا بغيتو اتخدت هاد القرار لاني تعبت من طمعو لدرجة انه ماكتبانش علي اني كنعمل مكنلبسش مزيان شنو تنصحوني واش درت الصواب خاصة انه كان باغي يزيدني السلف.