عافاكم سنين وأنا كنعرف واحد الولد وما عرفتش آش نعمل

السلام عليكم ، سمحو ليا غادي نصدعكم شويا ولكن بغيت غير نستافد من تجاربكم و نصاءحكم. انا بنت و كنعرف واحد الولد سنين هادي  غير اصدقاء ولكن اصدقاء مقربين بزاف كنشوفو فبعضياتنا بحال خوت كنعرف عاءلتو و كيعرف عاءلتي و مكينش بيناتنا اسرار ولكن بحكم هاد المدة طويلة و مع الوقت انا بديت كنحس براحة كبيرة معاه بصراحة مزال ماجربت الى شي نهار ماهضرناش باش غادي نحس حينت مكاينش نهار لي مكانهضروش و  انا خفت لنكون بديت كانبغيه . في الحقيقة هو ولد ناس و ضريف و ماشي خسارة فيه الى بغيتو ولكن انا من جهة مبغاش نتعلق بشي حاجة تقدر متكونش ليا و من جهة اخرى انا معنديش مع العلقات بزاف و مبغاش شي حاجة ماشي في الحلال و نفس الوقت خايفا الى بان عليا هادشي لي كنحس نولي خاسراه كصديق.

سمحو ليا طولت عليكم ولكن باش تنصحوني ؟ و كيفاش نقدر نعرف واش هو باقي كيشوفني بحال ختو اولا حتى هو بحالي و مامبينش ؟ و بما انه ماكيعرف تاشي بنت كفاش نقدر نخليه يبغيني بحال امراة ماشي بحال اخت ؟ و ماتنساوش انا ماباغا تاشي حاجة في الحرام.

مرة اخرى نقول لكم سمحو ليا طولت عليكم و شكرا بزآف.