مشكلتي انني احبه في صمت اكثر من 4 سنوات

السلام عليكم،، كنتمنى تنصحوني كأخت لكم قضيتي شوية معقدة وكنتمنى نقدر نوصلكم ولو 50 فالمائة من الالم اللي كنعيشو في صمت،،انا فتاة سني 22 سنة الحمد لله ناجحة في مجال عملي وسعيدة مع اهلي، انا مقيمة خارج المغرب وقصة اعجابي بالجار ديالي بدات في سنة 2008، هاد الجيران كتربط بيناتنا (كنقصد بين الوالدين ديالي و الوالدين ديال الشاب المعجبةبه) علاقة صداقة قووية و طويلة، راه الام ديالوو كانت كتساعد ماما في تربيتي منين كنت صغييرة،، وصفتكلم هاد الصداقة باش نقرب لكم الصورة اكثر،، كما قلت لكم اعجابي بدا من 2008 و لكن كتاب ليا انني نخدم خارج المغرب في اخر سنة 2009 كنت كنظن انني غنسااه ولكن لقيت رااسي مازالة كنفكر فيه لدرجة انني كنتسااءل واش غيكون خطب تزوج؟ مرتبط بشي وحدة معجب؟؟ انا فااش كنت فالمغرب ما كنتش كنبين له وانا من النوع اللي كيحشم ما نقدر نشوف فيه اصلا،،دابا وانا بعيدة كتجيني فكرة انني نقول للاخت ديالو انني معجبة بالاخ ديالها ولكن عزة نفسي كتتدخل وكتمنعني من هاد التصرف لاني كنحس انه غينقص من كرامتي كبنت وكبنت عائلة محافظة،،انا غنمشي للمغرب بعد شهر واش ندير شي خخطوة وشنو هي الخطوة اللي ممكن تحافظ على كرامتي و تراعي مشاعري و اخلاقي كدلك …صدقوني انني عييت من هاد الحب الصامت ما قدرتش نتخلص منه فيدوني بنصائحكم عفاكم وشكرا