هادي شهر باش درنا العقد وحصلتو كيخوني في قلب الدار

انا فعمري 23 سنة دابا شهر باش درت العقد وتزوجنا عن حب وليوم شفت منو للي يصدم،دابا عيط ليا فاليل كيف ديما ولكن حسيت راه شي حاجة ماشي هي هاديك زربان وكيدخل ويخرج فالهدرة ويهدر بشوية,قاليا واش غدا نجي نوصلك قلت ليه لا غدا ماقارياش قالي صافي نعسي مع راسك و والله مانعست علماتني خاطري وفالصباح مشيت عندو للدار بلا مانقولها ليه وكنصوني و والو بحالا ماكاينش حيت السوارت كان وضر دياولو وخدا دياولي ايوا واحد السيد مسكين ساكن الفوق حل ليا باب العمارة طلعت لقيت راجلي حدا الباب وبزز باش خلاني ندخل ولقيت وحدة شبه عريانة وكاتلبس فحوايجها اش غانقوليكم تمنيت الموت لهلا يحط اي مرا فهاد الموقف وقلت كلمة وحدة هي علاش قاليا حيت مازال مدخل عليا،حيت تافقنا منديرو والو حتى مورا العرس وباقا دابا ساكنة مع دارنا واش اعباد الله هادا سبب للي يخليه يجيب بنت الزنقا تنعس فالفراش للي لمفروض يكون فراشي وفداري،داني لبيت اخور وقاليا سوكتي عافاك جيران را غي بنت الزنقا وغانخلصها وتمشي وانا كانبكي ونقول ليه خرجها وبغا يضربني باش نسكت لبنت خرجات وتبعها قاليك يعطيها رزقها ويوصلها للمحطة ولا غاتجي دير ليه الشوهة فخدمتو وغبر ربع ساعة انا كنت غنسطا وكانقوليه ماتبعهاش ومشا,انا فديك الوقت باالاعصاب والفقصة دفعت الماريو وطاح تهرس هرست الماعن وكانو جايبين الشراب واش هادا هو بنادم للي نتسنا منو الخير,ملي جا بقا كايشوف فداكشي وساكت قلت ليه شكون هادي قاليا لقايتها فزنقة وسيد ممسوقش وكايلبس غادي للخدمة واش ماحسش بدنب مابقايتش فيه,انا دابة مغنقدرش ننسا ونكمل معاه او قبيلة عيط وقاليا دابا اش غنديرو قلت ليه نتفارقو قاليا متأكدة قلت آه قاليا واغي سمحيليا وقطعت شنو ندير دابا نصحوني والله حتى بغيت نخليه ولكن دارنا مساكن كيفاش نقولها ليهوم ووجدو شحال من حاجة للعرس,وهو كان كايبغيني والله ايتا ماكايكرهش شنو يعطيني ويعيط ديما وعزاز عليه دارنا,ودابا خانني,كانبكي وكانقول كون غير مامشيتش عندو هاد الصباح كون راني فدار غفلون,والبنت واحد المشعكة وموسخة مافهامتش كيفاش تعطيهوم خاطرهوم والله وراجلي عندو 25 سنة واش حيت باقي صغير طايش