انا ليلى 22
سنة عندي واحد لمشكيل ملقيت ليه حل انا من عائلة ميسورة ملي كان عندي 6
سنين جا ولد عمي سكن معانا ف الدار و بابا دارو فحال ولدو و خدمو معاه في
المحل دازت مودا كتاشفت بلي ولد عمي كيموت عليا كيبغيني بزاف هنا غيبدا
المشكل دار عرفوه كيبغيني و أيدوه حيت بابا ڭال تربيت يدي و كيف كيڭولو
خيرنا ميديه غيرنا مشا خطبني من بابا و انا مفراسي والو حتى جات ڭالتها
ليا ماما ڭالت ليا راه فلان دوا مع باباك انا تصدمت حيت قلبي مقدرش ابغيه و
كنڭول شحال من عام مقدرتش نبغيه عاد غادي نبغيه دابا ڭالت ليا ماما حاولي
تبغيه راه متلقايش فحالو والو مكنتحملش اقيسني كيفاش حتى نتزوج بيه مشيت
عنده ڭلت ليه معامن تشاورتي تمشي دوي معا بابا بلا شواري ڭال ليا انا ا
لالا طالب يديك واش قابلا ڭلت ليه لآآآا و والو بابا مشا شرا لينا پرطما
بسميتنا ب 2 مع العلم خواتاتي كلهم خدا ليهم پرطمات كل وحدة بسميتها الا
انا دارها لينا ب 2 و بغيت واحد لولد بغا اجي اخطبني ڭلتها لدار بابا ڭال
ليا ولد عمك لي ليك ماقابل حتا حد ويلا مبغيتيش انا صاخط عليك و ولد عمي
ڭال لعائلة كاملة راه خاطبني واخا ماكيناش شي حاجة رسمية لي بغا يجي
كيڭولو ليه راه مخطوبة دابا انا مرضت يا اما هوا يا اما والو غنحماق ڭولو
ليا اش ندير.
0 التعليقات:
إرسال تعليق